यौनिक तथा लैंगिक अल्पसंख्यकका अधिकार सुनिश्चिताका लागि बजेटको व्यवस्था गछौ नगरप्रमुख खाँण
- सत्यदीप सन्देश
- 11 Jan, 2024
<
रीमा बि.सी.
बुटवल, २६ पुस । तिलोत्तमा नगरपालिकाका प्रमुख रामकृष्ण खाँणले यौनिक तथा लैंगिक अल्पसंख्यक समुदायको अधिकार सुनिश्चित गर्न नियमित बजेटको व्यवस्था गर्ने प्रतिवद्धता जनाउनुभएको छ ।
साहसी कदम नेपाल रुपन्देही र जेसिस भलवारीको संयूक्त आयोजना, तथा टेवाको आर्थिक सहयोगमा पु्स २६ गते बुटवलमा ओयोजना गरिएको यौनिक तथा लैंगिक अल्पसंख्यक समुदायहरुको अधिकार विषयक अन्तरक्रिया कार्यक्रममा नगरप्रमुख खाँणले केन्द्रिय र प्रदेश सरकार भन्दा एक कदम अगाडी बढेर नियमित रुपमा पालिकाका नीति,योजना मार्फत सहयोग गर्ने बताउनुभएको हो ।
नगरप्रमुख खाँणले यौनिक तथा लैंगिक अल्पसंख्यक समुदायको शिक्षा, स्वास्थ्य र रोजगारीमा केन्द्रित हुने गरी समाज रुपान्तरण गरी ती समुदायहरुको पहिचान दिलाउन नगरपालिका प्रतिबद्ध रहेको बताउनुभयो ।
कार्यक्रममा निलहिरा समाजका संस्थापक अध्यक्ष सुनिलबाबु पन्तले यौनिक तथा लैंगिक अल्पसंख्यक समुदायका विषयमा पितृसतात्मक सोंचको हावी भएका कारण उनीहरुको अस्तित्व स्वीकार गर्न सक्नु भएको बताउनुभयो । उहाँले भन्नु भयो हाम्रो समाजलाई पूर्व जन्मका पापको लाल्छाना लगाएर हतोत्साहित गराउने परिपाटी रहेकोले यसको अन्त्य गर्न सवै तहबाट लाग्नु पर्ने बताउनुभयो ।
सन् २००१ मा निल हिरा समाज खोल्दा यो समुदायलाई समाजले सहज रूपमा स्वीकार नगर्ने, खिसीटिउरीको सिकार हुनुपर्ने त्यसमा पनि अझ तेस्रोलिङ्घी महिलाहरु अझ पीडित हुने अवस्था रहेको स्मरण गर्दे तुलनात्मक रुपमा अहिले केही सहज हुदै गएको बताउनुभयो ।
हाम्रो समुदायलाई चलचित्रमा देखाइँदा हाँसोको पात्र बनाइन्थ्यो। अहिले समाज केही बदलिएको छ। समलिङ्गी पुरुष, महिला, तेस्रोलिंगी पुरुष र महिला अन्तरलिंङ्घीहरु खुलेका छन्, समाजमा स्वीकार्यता पनि बढेको छ, ‘पहिले हेरि अहिले स्वीकार्यता बढेको छ । कानुनी जटिलता रहे पनि खुल्ला भएर आउनु साहसकै काम हो,’उहाँले भन्नुभयो ‘समाजले स्वीकार्यता अब के छ र भन्ने अवस्था भने छैन । नीति नियम बनाउनेहरू उस्तै छन्।’ पन्तले भन्नुभयो ।
साहसी कदम नेपाल रुपन्देहीका अध्यक्ष आनिक रानाले आफ्नो समुदायका लागि लामो संघर्षपछि यो अवस्थामा आइपुगेको भन्दै अव घरविहिन भई सडकमा उभिन बाध्य बनेका यौनिक तथा लैंगिक अल्पसंख्यक समुदायका व्यक्तिहरुलाई जीवन जीउनका लागि घर बनाएर राख्ने सपना रहेकाले तिलोत्तमा नगरपालिकालाई जग्गा उपलब्ध गराउन आग्रह गर्नुभयो ।
राना भन्नुहुन्छ ‘म समाज परिवर्तन गर्न चाहान्छु, मेरो समुदायलाई कसैले तिमी यौनकर्मी हौ भनेको सुन्न, भन्न र हेर्न मन छैन’ यसका लागि म र मेरो समुदायलाई साथ र हात र प्रोत्साहन चाहिएको छ रानाले भन्नुभयो ।
कार्यक्रममा भलवारी जेसिजका अध्यक्ष जीवन भट्टराईले समुदायका सबै नागरिकलाई समान व्यवहार, समान अवसर र अधिकार दिलाउन राज्यको प्रमुख भूमिका रहने बताउँदै यसमा आफूहरुको सक्दो सहयोग रहने बताउनुभयो ।
कार्यक्रम साहसी कदमका प्राविधिक सल्लाहकार रेशम न्यौपानेले सहज रुपमा विवाह दर्ता र नागरिकता प्राप्ती गर्ने वातावरण निर्माण गर्न तिनै तहका सरकारलाई आग्रह गर्नुभयो ।
साहसी कदमका उपाध्यक्ष सरोजी न्यौपानेले पछिल्लो समय बुटवल उपमहानगरपालिका र त्तिलोत्तमा नगरपालिकाले यौनिक तथा लैंगिक अल्पसंख्यक समुदायका सवालहरुमा संवेदनशिल भएको आफुहरुलाई अनुभूति भएको बताउदै सवैले साथ दिए आफूहरु समाज परिर्वतनका लागि निरन्तर लाग्ने बताउनुभयो ।